به گزارش مشرق، «عبدالطیف پدرام»، رئیس حزب کنگره ملی افغانستان در حساب فیسبوک خود نوشت که تاجیکستان با حضور نماینده طالبان در نشست شانگهای موافقت نکرده است.

بیشتر بخوانید:

درخواست از جامعه جهانی برای جلوگیری از بحران در افغانستان

پدرام نوشت: «دولت جمهوری تاجیکستان با شرکت نماینده طالبان در اجلاس شانگهای موافقت نکرد. جمهوری تاجیکستان موضع روشن و قانونی داشت چون طالبان تاکنون از طرف هیچ کشوری به رسمیت شناخته نشده‌است.»

نشست رهبران کشورهای عضو سازمان همکاری‌های شانگ‌های امروز و فردا در تاجیکستان برگزار می‌شود. افغانستان از بحث‌های اصلی این نشست دو روزه است اما در این نشست از افغانستان هیچ کسی دعوت نشده است.

این در حالی است که پیش از این وزیر خارجه‌ روسیه گفت که هیچ کسی برای به رسمیت شناختن طالبان عجله ندارد، اما طالبان باید اهداف‌ خود را روشن کنند.

در همین حال رئیس جمهور تاجیکستان در دیدار وزیر امور خارجه چین نیز گفت که «دوشنبه»نسبت به سرنوشت افغانستان بی تفاوت نیست.